Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Вазирлар Маҳкамаси қошидаги Дин Ишлари бўйича қўмита ахборот хизматининг хабар беришича, барча зиёратчилар соғ-саломат. Ўзбекистонга қайтишларида зиёратчилар учун янада қулайлик туғдириш мақсадида уларни Тошкентдаги йиғилиш жойларига етказишга махсус автобуслар ташкил қилинди.

Эслатиш жоизки, 2013 йили Ўзбекистондан ҳаж сафарига 5200 зиёратчилар жўнатилди. Зиёрат давомида ватандошларимиз ҳар томонлама қулайликларга эга бўлган меҳмонхоналарда яшадилар. Иссиқ овқатлар билан таъминландилар. Саёҳатлари давомида уларга ёрдам кўрсатиш учун 30 та хизматчи, 30 та шифокорлар ва 10 та ошпазлардан иборат ишчи гуруҳ ташкил қилинди.

Ҳар куни зиёратчилар билан учрашув ўтказилиб, уларга ҳажнинг моҳияти, ҳаж амалларини бажариш қоидалари ҳақида йўл-йўриқлар, шунингдек, сафар давомида соғликка ва хавфсизликка эътибор бериш қоидалари ҳақида маълумотлар бериб турилди. Ўзбекистонлик зиёратчилар ватанга қайтишларида «Ўзбекистон Ҳаво Йўллари» миллий авиакомпаниясининг чартер рейслари билан Жидда – Тошкент, Жидда – Самарқанд, Жидда – Бухоро, Жидда – Қарши, Жидда –Термиз ва Жидда – Урганч йўналишлари орқали ўз манзилларига етказилди. Ватандошларимизнинг қайтишлари 1-ноябргача давом этади.

UzReport.uzдан олинди. Муслима Робиъа