Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Расулуллоҳ соллаллоҳу алайҳи васалламнинг ахлоқлари

Расулуллоҳ соллаллоҳу алайҳи васалламнинг ахлоқлари беназир гўзал эди.

Оиша розияллоҳу анҳодан у зотнинг ахлоқлари ҳақида сўрашганда «У зотнинг хулқлари Қуръон эди. У зот Аллоҳнинг ғазаби учун ғазаб қилардилар, Аллоҳнинг розилиги учун рози бўлар эдилар», деганлар.

У зот ўзлари учун ўч олмас эдилар, ўзлари учун ғазабланмас

эдилар. Лекин Аллоҳнинг ҳурмати оёқости бўлса, Аллоҳ учун

ғазаб қилар эдилар. Агар у зот ғазаблансалар, ғазабларига ҳеч

ким бардош қила олмас эди.

У зот одамларнинг энг шиддатлиси, энг сахийси, энг марҳаматлиси эдилар. У зотдан бирор нарса сўралса, ҳеч қачон йўқ демас эдилар. Уйларида бирор динор ёки дирҳамни бир кеча қолдирмас эдилар. Ортиб қолса ва оладиган одамни топа олмасалар, муҳтож одамга бериб, ундан қутулмагунларича уйларига қайтмас

эдилар.

 Фатҳуддин Абулфатҳ Яъмурийнинг «Нурул-уйуун» китобидан Одинахон Муҳаммад Содиқ таржимаси