Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Muslimaat.uz  сайти жамоаси билан онлайн ҳамкорлик қиламан. Куни кеча бўлиб ўтган тадбирда  сайт раҳбарияти ҳамкорлигимизни муносиб тақдирлашди. Алҳамдулиллаҳ,  Шайх Муҳаммад Содиқ Муҳаммад Юсуф  роҳимаҳуллоҳ ҳазратларининг карималари – устозамиз Одинахон Муҳаммад Содиқ ва у кишининг жамоасига ушбу эътирофлар  учун чуқур миннатдорчилик билдираман.

"Сарҳисоб –1444" тадбирига маълум сабабларга кўра боролмадим, аммо ўрнимга онам қатнашдилар.  Онам уйга  олам-олам таассуротлар билан қайтдилар.  Ҳар бир она учун  ўғлига бошқалар томонидан берилган  гўзал эътирофи қалбларини қувончга, завқ ва шавқга тўлдиради. Онамнинг қувончидан мен ҳам қувондим.

Аллоҳ таоло устозамизни доим хайрли ишларда бош, муслима опа-сингилларимизга суянчиқ – қалқон бўлиб юришларини насиби муяссар айласин. Ўзи доим ҳифзида, офиятида, риоятида, барокатида сақласин.

Абдуллоҳ Раҳим