Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Африканинг Малави давлатида муслималар олий даражада қўллаб-қувватланди. Ўтган дам олиш куни Малави марказий округларидан биридаги мактабда аёллар умуммиллий анжумани (ижтима) бўлиб ўтди. Маънавий-маърифий ва ижтимоий мақсадларни кўзлаган ушбу тадбир мамлакатда ҳар йили ўтказилади. Бу йил муслималар анжуманида Малави биринчи хоними Гертруда Мутарика ҳам иштирок этди. Президентнинг рафиқаси махсус либос – узун кўйлак ва ҳижобда муслималарга келиб қўшилди. «Мен Исломда аёллар алоҳида эъзозланишидан мамнунман ва бундай тадбирларда аёллар бир-бирларидан кўп нарса ўрганишлари керак деб ҳисоблайман», – деди биринчи хоним муслималар олдида нутқ сўзлар экан. Бу ҳақида IslamNews сайти Nyasa Times нашрига таяниб маълум қилди. Муслималар анжуманига мамлакат ички ишлар вазири Сесиля Чазама ҳам ташриф буюрди. У съезд иштирокчилари олдида сўзга чиқиб, муслималарни фарзандларининг, айниқса, қизларининг билим олишига алоҳида эътибор қаратишга чақирди.