Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Айрилган – биз! Ўтaяпти-ку кунларим ҳам кунлик бўлиб, Котибларим битиклари энлик бўлиб, Бугун куним ўтганидан хунук бўлиб, Кулса кўзим, йиғлар қалбим, бехабарсиз. Қадри улуғ инсонидан айрилган – биз. Давра қуриб ҳангомадан бошла, деманг, Тушунарсиз инжиқликни ташла, деманг, Дардинг ютма, кўзларингни ёшла, деманг, Ютмасам гар, менга тоқат қилолмассиз, Қадри улуғ инсонидан айрилган – биз. Ўнгланмадим, гуноҳларим ортса-ортди, Юзга ажин, пешонага чизиқ тортди, Мижжамизга яширинган ёшлар қотди, Таъриф этсам, тинглаб ёндан жилолмассиз, Қадри улуғ инсонидан айрилган – биз. Улуғларни кўрган кўзни бахт дейдилар, Бахтдан ортиқ қай бойликни тахт дейдилар? Дардга даво табиб номин вақт дейдилар, Бу табибдан дардга даво тополмассиз, Қадри улуғ инсонидан айрилган – биз. Карвонларга отилган кўп лойни кўрдик, Лой отганга сукут қилган сойни кўрдик, Зулматларга маърифатли ойни кўрдик, Қўллари лой, қадри енгил қуллмассиз сиз, Қадри улуғ инсонидан айрилган – биз. Фарзанд кўрай, Устозимдай униб-ўссин, Маърифат-ла жахолатнинг йўлин тўссин, Ўғил бўлса у, Муҳаммад Содиқ бўлсин, Ният қилдим, қўл очиб жим турмассиз сиз, Қадри улуғ инсонидан айрилган – биз. Кўрган икки кўзимизга биз қозимиз, Ўтганларга рози бўлинг, биз розимиз, Айрилган ул улуғимиз – Устозимиз, Ўксик қалбни яна қайта тилмассиз сиз, Қадри улуғ инсонидан айрилган – биз. Булбул учун кўркам боғу-гулзор ширин, Рўзадорга оғиз очар – ифтор ширин, Муҳаббатли кўнгилларга дийдор ширин, Улуғларга меҳр қўйинг, ютарсиз сиз, Қадри улуғ инсонидан айрилган – биз. Акбаржон Абдулмажидов