Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
БМТнинг ижтимоий ишлар бўйича бўлимининг таклифига кўра, ташкилотнинг олти расмий тиллари учун байрам ўтказиладиган бўлди ва 2010 йилдан бошлаб «Араб тили куни» ўтказиб келинмоқда. Араб тили куни байрами учун эса тақвимдан 18 декабрь белгиланган. 1973 йилнинг шу кунида БМТнинг Бош Ассамблеяси араб тилини расмий ва иш юритиш тиллари қаторига қўшган.
Ҳозирги кунга келиб араб тили ва унинг лаҳжасида гаплашувчилар сони 300 млн. одамни ташкил қилади. 240 млндан ортиғи учун у она тилидир, яна тахминан 50 млн киши уни иккинчи тил сифатида ишлатади. Динда адабий араб тили (фусха), яъни Қуръон тили ― бутун дунё мусулмонларининг тили ҳисобланади. (Уларнинг миқдори 1,5 млрдни ташкил этади)
Бу йилнинг 18 декабрида ҳам БМТда араб тили куни кенг нишонланди.islam.ru сайтидан олинди.
