Грузия бош вазири Бидзина Иванишвили яқинда ўз қароргоҳида байрамона кечки таом ― ифторлик уюштирди. Ушбу тадбирда Грузия Мусулмонлари Бошқармаси бошлиғи Вагиф Акбаров, Аджария бўлими муфтийси Жамал Паксадзе, бошқа диний арбоблар ва шунингдек, Грузия парламенти депутатлари қатнашдилар, деб хабар беради APA.Тадбирда сўзга чиққан бош вазир Бидзина Иванишвили мусулмонларни муқаддас Рамазон ойи билан табриклади. «Мен ушбу муқаддас Рамазон ойида сизлар билан ифторликда бўлганимдан жуда бахтиёрман. Сизларга ва оилаларингизга Яратгандан саломатлик ва бахт-саодатлар тилайман», деб изҳор қилди у.
