Биз дунёдан кетар бўлдик
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Биз дунёдан кетар бўлдик,

Қолганларга салом бўлсин!

Бизлар учун хайр дуо

Қилганларга салом бўлсин!


Ажал букди белимизни,

Сўйлатмасдан тилимизни.

Хаста экан ҳолимизни

Сўрганларга салом бўлсин!


Жасад ўртага олинур,

Ёқасиз кўйлак бичилур...

Бизни осон бир важҳ ила

Ювганларга салом бўлсин!


Азроил олгай жонимиз,

Қурур томирда қонимиз...

Сўнгги кийим – кафанимиз

Тикканларга салом бўлсин!


Намоз ўқигайлар бизга –

Етар бўлдик Дўстимизга.

Қасд айлаб жанозамизга

Келганларга салом бўлсин!


Дунёга келганлар кетар,

Ҳаргиз келмас йўлга етар.

Бизнинг ҳолимиздан хабар

Олганларга салом бўлсин!


Мискин Юнус сўйлар сўзи,

Ёшга тўлмиш икки кўзи...

Билмаган не билсин бизни?

Билганларга салом бўлсин!


Ла илаҳа иллаллоҳ,

Дардларга дармон – Аллоҳ!


Юнус Эмро

Гулбаҳор Абдуллоҳ таржимаси


Муаллиф
Манба
Мавзуга оид мақолалар
Тошкент вилоятининг Бўка тумани Ўртақўрғон жоме масжидида Қуръон қироати мусобақаси ўз якунига етди. Бўка давоми...

20:45 / 10.02.2018 3031
Ҳакимлардан бири шундай дейди Кўп ейдиган одам, кўп ичимлик ичади Кўп суюқлик ичган одам уйқучи бўлиб давоми...

21:42 / 12.06.2023 1695
quotБир киши Расулуллоҳ соллаллоҳу алайҳи васалламдан Мен отаонамнинг вафотларидан кейин уларга қилишим давоми...

21:35 / 26.05.2023 1980
  Аллоҳ таолонинг кўплаб оятлари бизни ўқиш, кузатиш, тафаккур қилиш ва англашга чақиради. Инсонга тўғри давоми...

14:44 / 10.09.2018 3941