Рамазон фазилатлари (5-6 ҳадислар)

Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

5 عَنْ أَبِي هُرَيْرَةَ، عَنِ النَّبِيِّ صَلَّى اللَّهُ عَلَيْهِ وَسَلَّمَ، قَالَ: «نِعْمَ الشَّهْرُ شَهْرُ رَمَضَانَ، تُفَتَّحُ فِيهِ أَبْوَابُ الْجَنَّةِ، وَتُغَلَّقُ فِيهِ أَبْوَابُ

النَّارِ، وَتُصَفَّدُ فِيهِ الشَّيَاطِينُ، وَيُغْفَرُ فِيهِ، إِلا لِمَنْ أَبَى». قَالُوا: مَنْ يَأْبَى يَا رَسُولَ اللَّهِ؟ قَالَ: «الَّذِي لا يَسْتَغْفِرُ».

حسن لغيره. يقول المحقق: «ما عدا قوله: «ويغفر فيه...» إلخ، فلم نعثر عليه».

Бешинчи ҳадис Абу Ҳурайра розияллоҳу анҳудан ривоят қилинади. Набий соллаллоҳу алайҳи васаллам: «Рамазон ойи қандай яхши ой! Унда жаннат эшиклари очилади, унда дўзах эшиклари ёпилади, унда бебош шайтонлар занжирланади ва унда бош тортган кишидан бошқалар мағфират қилинади», дедилар. «Ким бош тортади, эй Аллоҳнинг Расули?» дейишди. «Мағфират сўрамаган», дедилар. Бу ҳадис ҳасан лиғойриҳи. Фақат ҳадиснинг «...ва унда бош тортган кишидан бошқалар мағфират қилинади», дедилар. «Ким бош тортади, эй Аллоҳнинг Расули?» дейишди. «Мағфират сўрамаган», дедилар», деган охирги қисмининг ҳукми аниқ эмас.

6 عَنْ أَبِي هُرَيْرَةَ , أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ، قَالَ: وَثَابِتٌ، عَنِ الْحَسَنِ، عَنِ النَّبِيِّ صَلَّى اللَّهُ عَلَيْهِ وَسَلَّمَ، قَالَ: «مَنْ صَامَ رَمَضَانَ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ وَمَا تَأَخَّرَ».

حسن.

Олтинчи ҳадис Абу Ҳурайра розияллоҳу анҳу ва Ҳасан розияллоҳу анҳудан ривоят қилинади. Набий соллаллоҳу алайҳи васаллам: «Ким Рамазон рўзасини иймон билан ва савоб умидида тутса, олдинги ҳамда кейинги гуноҳлари мағфират қилинади», дедилар. Бу ҳасан ҳадис.