Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

“muslimaat.uz” сайти раҳбари Одинахон Муҳаммад Содиқ Туркиядаги илмий сафардан қайтибоқ, Қуръон қироати мусобақаси ўтказилаётган водий томон ижодий сафарга йўл олди. Ота изидан кетган олима халқ томонидан кўтаринки кайфият ва ҳазрат Муҳаммад Содиқ Муҳаммад Юсуф раҳимаҳуллоҳ соғинчлари ила кутиб олинди.

Мусобақа муносабати билан уюштирилган байрамона кеча Андижон шаҳридаги “Боғи шамол” меҳмонхонасида бўлиб ўтар экан, унда Ўзбекистон мусулмонлар идораси ходималари ва “Хадичаи Кубро” аёл-қизлар ўрта махсус Ислом билим юрти мударрисалари ҳам жамланишди. Кечада ҳайъат аъзолари ва бошқа йиғилганлар Андижон вилоятида бўлиб ўтган Қуръон қироати мусобақаларидан олган таассуротлари билан ўртоқлашдилар ва эндиликда Наманганда бўлиб ўтажак уч кунлик мусобақа режалари борасида келишиб олдилар.    

Зуҳрахон ҲАМДАМОВА