Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ҳайт байрами куни...
Ассалому алайкум. Бу мен яна Муҳаммад Айюбман! Ҳайрон бўлябсизми? Ҳеч ҳам ҳайрон бўлманг. Ахир Рамазон ҳайити билан табриклашни унутибманку.
Биз ҳам дадам билан ҳозиргина масжиддан қайтдик. Бир ой рўза тутиб ўрганиб қолибман шекили. Дадам ширинлик олиб бергандилар, ифтордан кейин ейман дедим. Яхшиямки дадам айтдилар, бўлмаса сув ҳам ичмаётган эдим.
Барчангизни муборак Рамазон ҳайити билан табриклайман. Ҳар доим ота-онангизни айтганларини қиладиган, гап қайтармайдиган, ақилли бола бўлиб юринглар.
Катталарни жаҳлларини чиқариб ҳадеб ширинликлар сўраб йиғламанглар. Ахир ҳар доим ҳам ширинлик учун пул бўлмайдику.
Бир ой давомида эшитган ҳикоя ва воқеалардан яхшилик топган бўлсангиз Аллоҳдан, агар камчилкк ва хато топган бўлсангиз мен ҳақимдаги ҳикояларни ёзган кишидан деб билгайсиз. Келаси Рамазон ойи келгунча хайр. Яхши қолинглар.
Ҳозир эса ота-онангиз ва бошқа яқинларингизни қучоқлаб Рамазон ҳайити билан табриклаб қўйинг.
Хайр...
Юсуф МУҲАММАД.
