Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
ОНА ТИЛИМ
Онам айтган аллаларда топдим сени,
Ҳар бир сўзинг юрагимга бўлди малҳам.
Афзал ўлим, унутгандан кўра Сени,
Отам тили, онам тили – Она тилим!
Кимнинг тили йўқ экан, у – элат эмас,
Тили, эрки, миллатига эга эмас!
Ўз тилини унутса ким, фарзанд эмас –
Отам тили, онам тили – Она тилим!
Хазинамсан, бебаҳосан, қандай асрай?
Авлодларимга меросим қонда асрай.
Асрай сени: танда асрай, жонда асрай,
Отам тили, онам тили – Она тилим!
Гулбаҳор АБДУЛЛОҲ
