Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Керакли масаллиқлар:
Хамири: 3 дона тухум, 1 пиёла қатиқ, 1 пиёла майонез, 8 қошиқ ун, 0,5 чой қошиқ ош содаси (уксус билан ўлдирилади).Қиймаси: 350 г қийма (мол гўшти), 300 г карам, 1 боғ шивит, 1 боғ кашнич.
Тайёрланиши: тухум кўпиртирилади, сўнгра қатиқ ва майонез солинади. Ош содасини 3-4 томчи уксус билан ўлдирилади. 8 қошиқ ун қўшилади.
Қийма: 350 г қийма қовурилади. Карамни юпқа тўғраб, 1 дақиқага қайноқ сувга ивитиб қўйилади. Сувдан сузиб олиб, қиймага қўшилади. Шивит ва кашнич майда-майда тўғраб қўшилади. Таъбга кўра туз ва зираворлар қўшиб, аралаштирилади. Чуқурроқ патнисга хамирни учдан икки қисми қўйилади. Устига қийма солинади ва устига хамир қўйилади. 30 мин. 180° С ҳароратда пиширилади.
