Барчамизга болаликдаги қадрдон ичимлик. Унинг таркибида мураккаб углеводлар, турли оқсиллар, бир оз ёғ мавжуд. Шу боис ушбу маҳсулот жуда секин ҳазм бўлади ва биз муайян вақт мобайнида ўзимизни тўқ сезамиз. Сутдаги углеводлар қондаги қанд миқдорининг барқарорлигини таъминлаш хусусиятига эга. Шунингдек, унинг таркибида суякларимизнинг мустаҳкамлиги учун зарур бўлган кальций моддаси ва D витамини ҳам бор. Сизга яна бир сирни очайлик: агар озмоқчи бўлсангиз ёки ҳаддан зиёд семириб кетишдан қўрқсангиз, кўпроқ сут истеъмол қилинг. Зеро, сут таркибидаги кальций моддаси организмдаги ёғларни парчалаб, ҳужайралар бўлинувига ижобий таъсир кўрсатади. Бир кунда 250 грамм, бошқача айтганда, бир стакандан сал ошиқроқ сут ичиш – бизга 120 калория берувчи модданинг мутлақо йўқлигидир.
Апельсин шарбати
Апельсин таркибидаги C витамини иммунитетни кучайтириб, организмнинг бардошлилигини оширади ва бизни кўплаб хасталиклардан яхшигина ҳимоя қилади. Апельсин шарбатини кўп истеъмол қилиш катарактанинг олдини олиши фанда аллақачон исботланган. Шунингдек, у муҳтарама аёлларимиз учун анча фойдали ҳисобланувчи – ҳомила ривожидаги бузилишни бартараф этишда зарур саналувчи фолий кислотасининг манбаи ҳамдир. Унинг тўйимлик даражаси: 250мл. шарбат 115 ккал.ни ташкил қилади.
